velineh

 Her ser du førsteklassebygget, der eg bur. Eg har rom på andre sida.

Her er det slik at dei som kjem ifrå Rogaland, bur på små rom. Vindauga du kan sjå ifrå denne vinkelen høyrar

til dei, medan dei store romma, som er litt meir enn dobbelt så store som dei små vender andre vegen. 

   

Her ser du litt av mitt rom, på ein nokså ryddig dag vel og merke. Som du ser vender vindauget ut mot ein hage...

På det andre biletet ser du litt av hagen utanfor, dette ifrå vinteren.

Dette er andreklassebygget. Her søv altså andreklassingane. Dette er det eldste elevbygget. 

Dei seier at det spøkjer der, men det seier dei i grunnen at det gjer i alle bygga. Om eg trur på det

er noko anna...

Og dette er tredjeklassebygget. Det ser ikkje så fint ut eigentleg. Men dette bygget er finast innvendig, sett vekk ifrå nokre gangar og opphaldsrommet. Dei har forresten størst og best seng på tredje òg. Ikkje det at andreklassingane sine senger er dårlege, men vi i førsteklasse har verkeleg harde senger. Det tok  meg faktisk ganske lang tid før eg vart vand med senga. Fleire dagar hadde eg vondt i ryggen fordi den var så hard.

Her ser du den nyaste delen av skulen vår. Den er veldig fin, i grunnen. Den nyaste delen, altså. Men kanskje litt bar?Tihi. Eg må skryte av den fine kantina vi har, til tross for at skulen har så få elevar. Kantinedama er flink, og brukar og spørje oss om kva ønskjer vi har for mat i kantina. Ho lagar gjerne pizza ein dag i veka, ein annan dag er det kake, ein annan dag kakao og på fredagar er det sveler som kjem i tillegg. Elles selg ho alltid gode baguettar med ost/skinke/salat/eggerøre/laks. Younameit! Kantina har yoghurt, ulike drikkevarer, rislunsj osv... 

Dette er bilete av hallen, sett ifrå klasserommet våra. (Dette biletet har eg ikkje tatt sjølv...)

I tillegg til desse ulike bygga har vi eit bygg der det er spisesal. Dersom du spør meg, er det bygget unødvendig stort. I andre etasje står det eit stort rom, nesten heilt tomt, bortsett frå eit gamalt piano på ei slags scene. Eg kan tenkje meg det rommet var mykje brukt den gongen det var folkehøgskule her...

I tillegg har husmor, Olaug Stewart, eit eige hus saman med mannen sin, vaktmeister på Rygjatun, og Indo har eit lite søtt hus saman med kone og to gutar. 

I forhold til fasilitetar som bustad for elevar, skule som ligg mindre enn 100 meter unna internatet, og hallen like nær, ligg TVN heil perfekt plassert. Men, det ligg veldig krunglete til for transport. Det ligg nemleg på ein plass som heiter Sand, i Suldal kommune, Rogaland. Dersom du finn deg eit kart kan du jo sjå... Det tek to timar å kome seg til Stavanger med båt. 4-5 timar med buss/båt til Bergen. Når eg skal heim reiser eg som regel først til Stavanger. Deretter med fly til Bergen- Ålesund og med buss derifrå, eller med fly frå Stavanger til Oslo, og derifrå fly til Volda, eller nattbuss. Uansett, tek det usannsynleg LANG tid. 

Jaja, treningsopplegget for ein som verkeleg ønskjer å satse, er heilt supert. Men er du som meg, som av og til synest det kan bli litt for mykje, eller rett og slett berre lengtar veldig heim, så er ToppVolley Norge kanskje ikkje heilt rette plassen. Uansett trur eg det er verdt eit forsøk for ein som er svært glad i volleyball. Eg angrar i alle fall ikkje at eg valde å gå her dette året!

OBS: Det er ein viss sjangse for at dette er/blir det siste innlegget på denne bloggen, så takk for denne gong seier eg då. Eg kjem til å halde fram med å besøke bloggen din om du ligg blandt mine vener, så for deg er det berre å halde fram med å skrive!

Eline♥

Har du mange innleveringar no før påskeferien? 

Kl 14 blir det volleyballtrening, forhåpentlegvis. Det eg meiner er at vi har ein trenar som køyrer svært mykje kondisjon og styrke på oss, og då vert det mindre tid til volleyball... Over 50% av treningstida av morgonøkta på mondag vart brukt til kondisjon og styrke. Det verste var eigentleg at klokka var 7 om morgonen. Eg vert alltid kvalm av å trene så tidleg, og sjå då for deg kondisjonstrening...! Det var tett før eg måtte springe på do for å spy! Etterpå hadde vi volleyball, men då var kroppen min så utslitt at eg klarte ikkje å gjere noko som helst bra. Eg var kjempeslapp og konsentrasjonen var absolutt ikkje på topp. Kipt! 

Korleis er gym på skulen din? Vi har ikkje det ein kallar gym, ettersom vi har så mykje anna trening. Så får vi karakterar i gym av volleyballtrenarane... :) Likevel har vi det vi kallar alternativ trening, men berre 60 min tilsaman i veka. Då har vi øvelsar som liknar på tradisjonell gym; fotball, basket, spydkast, karate, hinderløype, dans osv... Det er alltid kjekt!

Eg gleeer meg til påskeferie!!!

Eline♥

På ettermiddagen hadde vi ei svært roleg trening der vi berre gjekk gjennom oppstillingar og slikt, ikkje så interessant eigentleg. Dette var uansett finpussen som vi trengte før kampen vi skulle ha neste morgon.

Fredag kl. 11, spelte vi treningskamp mot eit polsk lag. Vi tapte kolossalt, men det var eit kjekk oppleving likevel. Alle på det polske laget var HØGE  og sterke, raske også. Når eg ser så mange høge på ein gong tenkjer eg med eitt at det ikkje kan vere mogleg at det er like mange høge i Noreg. Har ikkje sjekka det ut, men det kan jo vere fakta? Ettermiddagsøkta gjekk den dagen også med til retting på småting. Heilt greit igrunnen!

Laurdags morgon hadde vi styrketrening, boot-camp. HJELP kor slitsamt det var!!!! Og Bonolo har lova oss fleire slike økter -.- Vi skal nok bli i god form til bikinisesongen i alle fall. Tihi! :)

Deretter reiste vi inn til byen, Rzeszow, for å shoppe. Eg var svært nøgd med shoppinga allereie etter ein halv time, då eg hadde funne meg ei dongeribukse som eg hadde lyst på, som ikkje var så dyr, og som faktisk passa. Shoppingturen var redda! Etter nokre timar reise vi eit stykke med buss for å sjå plussliga-kamp. Volleyball då sjølvsagt. Det var kvinnelag, og botnlaga i plussligaen. Men når eg då veit kor gode botnlaga er forstår eg at det må vere ganske stor forskjell frå nivået i Noreg, til nivået i Polen. Alt gjekk mykje raskare, folk hadde meir kontroll og fiksa mykje meir. KULT!

Vi hadde fått beskjed om at vi skulle ha boot-camp på søndagsmorgon, men der var fleire grunnar til at eg forstod at det ikkje kunne vere mogleg. Det var nemleg slik at det vi skulle gjere var ei overrasking, vi hadde paintball krig med klassa. Eg var pysete, sjølvsagt, men hadde det veldig kjekt likevel. Desverre kjem eg nok til å vere like redd neste gong, ettersom eg aldri fekk kjend kor vondt det er å bli truffe. (Vart truffe ein gong, så vidt, men kula sprakk ikkje...) Hehe. Søndags ettermiddag spelte vi treningskamp mot omlag dei same jentene som forrige gong. Vi spelte betre, og var meir samspelte men dei knuste oss like mykje uansett. Kjekt var det likevel!

Så var det reisa heim... Mangdags morgon kl 4 måtte vi opp. Vi tok buss kl 5 til Kielnarowa, der vi tok fly til Torp, Sandefjord. Reisa gjekk ikkje heilt som planlagt, pga. feil med fly. Først mykje utsatt, dermed opp i lufta og ned att på same flyplass (ca. 30 min), og så bytte av fly. Reisa vart vel ca. 4 timar forseinka kan eg tenkje meg, men det var heilt greit eigentleg. Det verste var igrunnen då vi sat i det første flyet, som visst nok ikkje fungerte skikkeleg og det var turbulens og det skulle lande. Då var eg faktisk REDD. Men eg overlevde... ^^

Meir kjem seinare. No må eg ete middag. Vi reiser 15.30 ein stor gjeng til Øystese denne helga for å spele 1. divisjons ranking. Blir nok kjekt!

Eline♥

Jaja, så gløymde eg å ta meg tida til å blogge om Polen likevel. Æsj. I tillegg har eg brukt kveldsfritida mi i dag til, jah, eg veit ikkje heilt, så eg orkar ikkje å kome med noko oppsummering av ferien no. Eg håpar og trur at den kjem i næraste framtid, i allefall! 

 

God natt!

Eline♥

Vi hadde trening ifrå 10.00 til nesten 13.00 i dag. Med ein veldig slitsam oppvarming, og deretter ei lang treningsøkt seier det vel seg sjølv at treninga enda nokså daft. Ingen hadde noko særleg energi å gje etter ca. halve treninga. Trur kanskje grunnen til at Bonolo ikkje blåste den av var fordi ho håpa at nivået skulle betre seg litt, men den gang ei. Off, det var ikkje særleg kjekt etterpå då alle var nokså mulefunkne... 

Lunsjen vi fekk i dag var rar! Salt rødbetsuppe med fylt pasta var forretten. Eg visste ikkje at vi skulle få meir, så eg åt meg nokså mett på eit digert eple. Så kom den middagsretten, med nokså god potetstappe og skinke. Nam, men eg vart så sinnsjukt mett etterpå! Det verste var eigentleg at eg gjekk og kjente at eg hadde ete så alt for mykje då vi skulle trene igjen i fire-tida... 

Siste treningsøkta for dagen vart nokså kort. Enkel og grei oppvarming med litt jogg, strekk og grunnslag. Deretter trente vi på oppstilling og rotasjon, noko vi trengte. Trur dei fleste veit kvar dei skal vere no, det håpar eg i alle fall, for i morgon kl. 11.00 skal vi spele treningskamp! Vi fekk sjå gutane spele treningskamp mot eit polsk lag. Synest dei klarte seg nokså bra i grunnen. Deretter bar det rett i badstova. Herleg!

Kveldsmaten i dag var god. Først litt skive, og deretter ris med ordentleg jordbærsaus (med fløte). Høyrast rart ut seier du? Vel, det smakte godt, faktisk. Vi spurte aldri, men har ein mistanke om at dei kanskje hadde googla norsk mat, og prøvd å etterlikne riskrem. Haha! I tillegg fekk vi frukt, kake og te. Vi vert skjemde bort!

Har du fått vinterferie enno? Kva har du gjort/ kva planar har du?

Eline♥

Eg stod opp ca 6.30 i dag tidleg, for å få i meg litt mat før det bar avgarde til Sola. Der møtte eg resten av klassa (bortsett frå dei tre som ikkje kunne vere med...) Vi sjekka inn, gjennom sikkerheitskontrollen og alt utan problem. Flyreisa gjekk på ca 2 timar, ikkje så lang som forventa. Flyturen brukte eg til å lese, The Notebook, om det seier deg noko. Den er kjempesøt! I tillegg såg eg ein Mister Bean film som dei sendte. Morosamt! Då vi kom fram til Krakow Airport tok vi først ein buss eit veldig kort stykke, deretter eit lite tog eit litt lenger stykke, til vi kom til Krakow. Der hadde vi omlag ein time før vi skulle vidare. Denne timen brukte eg og Ingrid på ein tur til eit supermarked. Eg hugsar ikkje kva det heitte, men det var kjekt der, for alt var så billeg, og så var det så bra utval! Dessverre fekk eg ikkje nytta meg av alle gjenstandane eg kjøpte der før dei plutseleg var vekk. Ingrid satt dei att på toget som vi seinare tok ifrå Krakow til Rzeszow. Sjølvsagt ikkje med vilje. Det var godt eg ikkje brukte så mykje pengar der...  Togturen til Rzeszow gjekk på litt over to timar. Der var trangt om plassen, mest pga. all bagasjen vår. Tihi! Likevel var det avslappande, og eg brukte òg då litt tid på å lese. 

Framme i Rzeszow tok vi ein buss som høyrde til universitetet som sportsenteret vi no er på, Sportcenter Kielnarowa, er ein del av. Bussturen var ikkje så lang heldigvis. Så var vi altså framme, omlag 16.30-16.45. Deilig! Vi fekk kort omvisning før vi fekk tildelt rom å sove på. Eg kom på rom med Kristine Hjembo. Kjekt! Deretter fekk vi servert middag. Eg må innrømme eg syntest den var litt spesiell. Først og fremst fekk vi nokre brødskiver og pålegg. I tillegg fekk vi nokre rare friterte greier, som eg ikkje veit kva var. Potetmos kanskje? Og vi fekk te, frukt og småkaker. Heilt grei mat, men eg kjem nok til å sakne den heilt enkle maten på internatet! Etter middagen fekk vi litt meir omvisning i hallen. Der var tre digre volleyballbaner, styrkerom, fysioterapirom, massasjerom, badstove og venleikssalong. Tenkt på det! Det såg svært enkelt, men også litt fint ut. Og det blir heilt sikkert spanande med trening og treningskamp i morgon. Mannen som har ansvaret for heile opplegget rundt turen vår gav oss jentene ein lovnad om gratis pleie på venleikssalongen dersom vi vinn på fredag, men eg trur ikkje vi skal ha for store forventningar. Tihi! Volleyball er noko av det dei er gode til i Polen! 

Eg tenkte eg skulle prøve å oppdatere litt kvar dag no når eg er her i Polen, men vi får sjå. Om det ikkje kjem eit innlegg i morgon så ikkje fortvil. Då kjem det forhåpentleg litt om kva som har skjedd seinare...

Her er nokre bileter ifrå togturen ifrå Krakow til Rzeszow:

Folk var flinke til å utnytte anledninga til å slappe av!

Forresten så klarte U19-laget å kvalifisere seg til NM, så Tønsberg neste! Det gjekk nok ikkje like bra med U17-laget, desverre. Om eg skal seie kvifor så kan ein vel halvvegs skulde på svært dårleg puljeinndeling og turneringsoppsett, men slik er vel ikkje noko å gjere med...? (Er vel litt meir irritert over det enn eg føler for å vise her, men vil ikkje røpe at eg er ein nokså dårleg tapar... ;P )

Tidleg fredags morgon reiser eg til Møre igjen. Jippi! Då skal eg heim i nokre dagar, endeleg! Reiser faktisk med fly frå Stavanger kl 06.40 :O Eigentleg gjer det ikkje noko, for då er eg jo berre tidlegare heime i Volda. Skal verkeleg bli godt med nokre dagar saman med familie og vener no før eg reiser til Polen saman med klassa for å trene og spele treningskampar. Men det blir kjekt det og! Skal prøve å få teke nokre bileter i løpet av ferien, og deretter blogge litt om den. Kanskje kjem der ein glogg om den og, kven veit?! 

Eline♥

Eg reiser 12.30 med ferga til Ropeid. Der må eg desverre sitte å vente i 20-30 minutt før bussen kjem. Så tek eg buss til Ølen, og deretter rett på hurtigbåten til Leirvik. I Leirvik set eg meg på ein buss til Bergen. Dette er første halvdel av reisa... Det høyrast kanskje litt stress ut, men har tatt denne ruta fleire gongar no, så då er det ikkje lenger noko vanskeleg. Det var verre første gongen, då eg var på Sand for aller første gang og hadde planlagt reise vidare til Bergen heilt på eiga hand!

Når eg kjem til Bergen, ca 17.15 har eg goood tid. Bussen som skal vidare til Førde går ikkje før 19.50! Eg har snakka med tanta mi som bur i Bergen, og dei vil gjerne ha meg på middag. Jiho! Så då får eg litt middag i magen før eg skal vidare. Er ikkje i Førde før 23.30 i kveld/natt, så det blir kanskje litt seint, med tanke på at eg skal spele mange kampar i helga, men eg får vel heller sove litt på bussen. 

I Førde skal eg overnatte med ein familie som familien min kjenner. Hehe, det vil seie at eg ikkje kjenner dei så veldig godt. Har sjølvsagt snakka med dei ein del gonger, og møtt dei, men jah.. kan ikkje skryte av at eg kjenner dei noko særleg akkurat. Det kan bli spanandes, men det går heilt sikkert fint. Tihi!

Eg veit ikkje heilt når eg kjem tilbake på Sand. Eg har teke meg studiedag på mandag. Har ikkje heilt bestemt meg for om eg skal reise tilbake til Sand tidleg, eller om eg skal bruke litt av mandagen til å sove og ta ein tur ned i byen i Bergen før eg reiser. Hadde vore litt kjekt å nytte seg av studiedagen til noko hyggeleg eigentleg...! 

Har du store planar for helga? Som du ser har eg det. Og eg gler meg!! Og tenk, berre ei veke att til eg er heime i Volda og! 

Eline♥

Tihi!

Eline♥

Vel, eg kan jo seie takk for alle gratulasjonane eg fekk på bursdagen min, fredag 5. februar. Det var utruleg koseleg! Vart inga feiring, for første delen av dagen fram til 13.45 gjekk med til skule. Og ca kl 14.00 reiste vi med buss ifrå Sand. Vi var i Oslo i helga og spelte 1.divisjons rankingturnering faktisk. Eg fekk ikkje spele noko særleg på laurdagen, og etter meir enn tolv timar i hallen den dagen var eg ganske lei. Kunne likevel ikkje vere skuffa, for som førsteklassing skal ein ikkje forvente speletid i det heile! Uansett, på søndagen fekk eg spele så og seie heile kampen. Det var heilt sinnsjukt kjekt, og eg må innrømme eg spelte på omlag mitt beste. Iiih, det må gjerast fleire gonger. Eg håpar verkeleg eg får vere med på neste ranking, i byrjinga av mars. 

Ettersom eg oppdaterer så sjeldan veit eg ikkje kva eg tidlegare har skrive. Det er eigentleg ganske upraktisk, for det må vere ganske kjedeleg å bli utsett for same "nyhendene" gong etter gong, når dei kanskje ikkje er så interessante for deg som for meg sjølv. Hihi! I alle fall tenkte eg at eg kunne nemne at eg kjem heim til Volda 19.februar. Eg gler meg noko utruleg. I jula hadde eg bestemt meg for å bruke ein del tid saman med vener, men det endte med at eg var heime saman med familien nesten heile tida. Dei få dagane eg skal vere heime no skal eg utnytte betre! Ja, for få dagar blir det nok desverre. Eller, eigentleg ikkje desverre, for tenkt, klassa mi skal til Polen for å trene, og spele treningskampar. Eg gler meg verkeleg! Oppleving for livet tenkjer eg. 

Eg lengtar litt etter å høyre frå kjære Ingrid som har reist tilbake til India. Der skal ho vere i tre månader, så eg håper ho/ du dersom du les dette Ingrid oppdaterer bloggen sin/din i blandt. Her finn du den. Ta ein titt da vel!


Eline♥